25.3.10

സില്‍മാലൊക്കേഷന്‍@ബാത്ത്‌റൂം

ഒണക്കടവര്‍ ഹോട്ടലിന്റെ ബാത്ത്‌റൂം ലൊക്കേഷന്‍ വാര്‍ത്തകളാണ് ഇന്നത്തെ ‘സില്‍മാലോക്കലി’ലുള്‍പ്പെടുത്തിയിരിക്കുന്നത്.

ഓച്ചിമല ശാന്ത മുഖ്യ വേഷത്തിലഭിനയിക്കുന്ന ‘എന്നെയങ്ങ് കൊല്ലൂ’ എന്ന ചിത്രത്തിന്റെ ഷൂട്ടിംഗാണ് ഒണക്കടവര്‍ ഹോട്ടലിന്റെ ബാത്ത്‌റൂമിലും (ടോയ്‌ലറ്റ് അറ്റാച്ച്ഡ്) പരിസരപ്രദേശങ്ങളിലുമായി നടന്നുവരുന്നത്.

ഓച്ചിമല ശാന്തയെക്കൂടാതെ പേരറിയാന്‍ പാടില്ലാത്ത  ഒരുകൂട്ടം ഗസ്റ്റ് താരങ്ങളുമഭിനയിക്കുന്ന ‘എന്നെയങ്ങ്കൊല്ലൂ’ വില്‍  നടന്മാര്‍ക്ക് പുല്ലുവിലയും നടികള്‍ക്കു പൊന്നുവിലയുമാണെന്നതും, ഉള്ളനടികളെല്ലാം നായികമാരുമാണെന്നതും  ഈ ചിത്രത്തിന്റെ അനേകം പ്രത്യേകതകളില്‍ മുഴച്ചുനില്‍ക്കുന്ന ഒന്നാണെന്ന്  ക്യാമറമാന്‍ കം ഡയറക്ടര്‍ കം ആള്‍ ഇന്‍ ആള്‍ ആയ ക്യാമറപൊന്നപ്പന്‍ (നമ്മുടെയെല്ലാം തങ്കപ്പന്‍ ) അറിയിച്ചു.

ഇത്രയേറെ അതിഥിതാരങ്ങളെ അണിനിര്‍ത്തുന്ന മലയാളത്തിലെ ആദ്യത്തെ സില്‍മയായ ‘എന്നെയങ്ങുകൊല്ലൂ’ തിയേറ്ററുകളില്‍ ക്യൂ നിന്ന് പ്രേക്ഷകരെ ബുദ്ധിമുട്ടിക്കാതിരിക്കാന്‍  മൊബൈല്‍ മെമ്മറികാര്‍ഡ്, ഫ്ലാഷ് മെമ്മറി, ഹാര്‍ഡ്‌ഡിസ്ക് എക്സ്ട്രാ ... തുടങ്ങിയവയില്‍ ബ്ലൂട്ടൂത്ത് വഴിയും ഇന്റര്‍നെറ്റ് വഴിയുമായിരിക്കും റിലീസ് ചെയ്യപ്പെടുക.

വളരെയേറെ നിര്‍മ്മാണച്ചിലവുവരുന്ന ഈ ബിഗ് ബജറ്റ് ചിത്രത്തിന്റെ റിലീസിംഗിനായി കാത്തുനില്‍ക്കുന്ന ജനകോടികള്‍ക്ക്  ക്യാമറതങ്കപ്പന്‍ അലിയാസ് പൊന്നപ്പന്റെ പഴയ ചിത്രങ്ങളേ പ്പോലെത്തന്നെ ഈ പ്രാവശ്യവും നിരാശപ്പെടേണ്ടിവരില്ലാ എന്നാണ് വിദഗ്ദരുടെ അഭിപ്രായം.

കൂടുതല്‍ പുതുമുഖങ്ങളെ സില്‍മാരംഗത്തേയ്ക്ക് കൊണ്ടുവരിക എന്ന പ്രത്യേകതയും  നമ്മുടെ ‘സില്‍മാദൈവമായ’ തങ്കപ്പന്‍  ഈ ചിത്രത്തില്‍  പരീക്ഷിക്കുന്നുണ്ട് എന്നതുകൊണ്ടുതന്നെയാണ് ഹോട്ടലില്‍ വരുന്ന സകല തരുണികള്‍ക്കും വിതൌട്ട് റിഹേഴ്സലായി ചിത്രത്തിലഭിനയിക്കാനുള്ള ചാന്‍സുകൊടുത്തിരിക്കുന്നത്. ഇവരെയാണു നാം ‘ഗസ്റ്റ് താരങ്ങള്‍’ (ഹോട്ടലിലെ ഗസ്റ്റ്) എന്നു വിളിക്കുന്നത് .

സ്റ്റാര്‍ട്ട് കട്ട് ആക്ഷന്‍ ഇവയിലൊന്നിന്റെ കൂടെ  ഒണക്കട്ടവറിലെ ക്യാമറയും കുളത്തില്‍ (ക്ഷമിക്കണം ക്ലോസറ്റില്‍) ചാടുന്നതുവരേ അടുത്ത പടത്തിന്റെ ലൊക്കേഷനും ഒണക്കട്ടവര്‍ ബാത്ത്‌റൂം തന്നെയായിരിക്കുമെന്ന് ക്യാമറ .....അപ്പന്‍ കൂട്ടിച്ചേര്‍ത്തു.

കൂടുതല്‍ ലൊക്കേഷന്‍ വാര്‍ത്തകളുമായി അടുത്തയാഴ്ച കാണും‌വരേയ്ക്കും (വല്ലോരും തല്ലിക്കൊന്നില്ലാ എങ്കില്‍ ) ഗുഡ്ബൈ.......

11 comments:

മരഞ്ചാടി said...

ഓച്ചിമല ശാന്ത മുഖ്യ വേഷത്തിലഭിനയിക്കുന്ന ‘എന്നെയങ്ങ് കൊല്ലൂ’ എന്ന ചിത്രത്തിന്റെ ഷൂട്ടിംഗാണ് ഒണക്കടവര്‍ ഹോട്ടലിന്റെ ബാത്ത്‌റൂമിലും (ടോയ്‌ലറ്റ് അറ്റാച്ച്ഡ്) പരിസരപ്രദേശങ്ങളിലുമായി നടന്നുവരുന്നത്.

Anil cheleri kumaran said...

ഒണക്കടവര്‍ ഹോട്ടലിന്റെ ബാത്ത്‌റൂമിലും (ടോയ്‌ലറ്റ് അറ്റാച്ച്ഡ്) പരിസരപ്രദേശങ്ങളിലുമായി നടന്നുവരുന്നത്.

അതങ്ങ് കലക്കി..

ശ്രീ said...

:)

ബഷീർ said...

കൊല്ലേണ്ടി വരും :)

മരഞ്ചാടി said...

kumaaran , sree , basheer nandi

ഹംസ said...

ഹ ഹ ഹ.. രസിച്ചൂ ട്ടോ…!!

Umesh Pilicode said...

ആശംസകള്‍

OAB/ഒഎബി said...

ഹോട്ടലെവിടേന്ന് പറഞ്ഞില്ല.
ഒരു ഗസ്റ്റായി വരാനല്ല
റിഹേഴ്സലില്ലാതെ തരുണിമാരുടെ കൂടെ അഭിനയിക്കാനാ...

ജയരാജ്‌മുരുക്കുംപുഴ said...

aashamsakal.......

മുക്കുവന്‍ said...

:)

ദുശ്ശാസ്സനന്‍ said...

തകര്‍ത്തു അണ്ണാ..